پاکستاننینگ پایتختی اسلام آباد شهری، بوگون شنبه ۲۲ – حمل، امریکا قۉشمه ایالتلری و ایران اسلام جمهوریتینینگ یوقاری مرتبهلی رسمیلری اوچرهشوویدن میزبانلیک قیلماقده.
خلقارا یېتکیرمهلر خبریگه کۉره، امریکانینگ بو مملکت جمهور باشلیغی دونالد ترمپ اۉرین باسری جیدی ونس باشچیلیگیده بۉلگن هیاتی، ایران رسمیلری بیلن اوچرهشیش مقصدیده، پاکستانگه یېتیب کېلگن.
شونینگدېک، بوندن آلدین ایراننینگ نمایندهلر کېنگشی باشلیغی محمدباقر قالیباف و تشقی ایشلر وزیری عباس عراقچی هم بو مذاکرهنی اۉتکزیش مقصدیده، پاکستان کېلگنی حقیده خبر بېریلگن اېدی.
اوشبو مذاکرهلر، بیر نیچه هفتهلیک کېنگ تۉقنهشوولر و اوروشلردن سۉنگ، ایشانچسیزلیکلردن تۉله بیر فضاده اۉتکزیلماقده دیر.
امریکا و ایران رسمیلری اۉرتهسیده ایکّی هفتهلیک آتیش-کېسین کېلیشووی امضالنگن بۉلسهده، بیراق اېکّی تامان بیر-بیرینی آتیش-کېسین کېلیشووینی بوزیشده عیبلب کېلماقده دیر.
شو سبب، اوشبو مذاکرهلر امریکا و ایران کېلیشماوچیلیکلرینی بوتونلهی حل قیلیشگه قنچهلیک اۉنملی تمام بۉلیشی هلی بېللی اېمس.
