۸صبح، کابل: افغانستان آزادلیک جبههسی کابلده اویوشتیرگن بیر هجومده طالبان ایکّی جنگچیسینی اۉلدیرگنینی و ینه ایکّی کیشینی یرهلنتیرگنینیی دعوا قیلگن.
آزادلیک جبههسی یکشنبه کونی، ۲۳- حمل، بیر ویدیو ترقهتیب بو هجومنی اۉتگن کېچه کابل شهرینینگ ۱۶-خوفسیزلیک حدودیگه قرهشلی «الوخیل» حدودیده عملگه آشیرگنینی ایتگن.
اوشبو جبههنینگ ایتیشیچه هجومده طالبان جنگچیلرینی آلیب کېتهیاتگن رنجر نشانگه آلینگن.
جبههگه کۉره، بو هجوم اولرنینگ جنوبی سالنگده کوچلری نینگ اۉلدیریلگنی نینگ اوچ ییللیگی بیلن بیر وقتده عملگه آشیریلگن.
آزادلیک جبههسی تخمیناً بیر هفته آلدین هم کابل نینگ سرای شمالی حدودیده اوچ طالبان جنگچیسینی اۉلدیریش مسوولیتنی اۉز ذمّهسیگه آلگن اېدی.
