طالبان سوو و برق وزیرلیگی بوگون یکشنبه ۲۳ – حمل، بیر بیانات نشر قیلیب اعلام قیلیشیچه، فاریاب ولایتیده ایکّی سوو توغانینی تېکشیریش ایشلری اۉتکزیلگنیدن خبر بېردی.
وزیرلیک معلوماتیگه کۉره، اوشبو تېکشیرو بلچراغ اولسواللیگینینگ غلبیلاق و نوبلاق قیشلاقلریده اۉتکزیلگن.
طالبان سروی نتیجهسی خصوصیده آرتیقچه تفصیلات بېریلگن اېمس.
طالبان سوو و برق وزیرلیگی، بو لایحهلر عملگه آشیریلیشی بیلن کۉپلب اېکینچیلیک یېرلری سوولنتیریلیشی و سوو تاشقینلری آلدینی آلینیشینی بیلدیرگن.
ایتیش کېرهک که فاریابده، سوو توغانلری قوریلیب، بو ولایت سوولری باشقیریلمسلیگی کتّه شکایتلرگه هم سبب بۉلگن.
اهالینینگ کۉپلب طلبلر و شکایتلری بۉلگن بیرحالده، حاضرگچه «درهآغزی» سوو توغانی لایحهسی عملگه آشیریلگن اېمس.
