پاکستان اوردوسینینگ معلوم قیلیشیچه، اوشبو مملکت اوردوسی قوماندانی عاصم منیرنینگ ایرانگه قیلگن سفری یکونلنگن.
اوردونینگ بیاناتیده ایتیلیشیچه، عاصم منیر اوشبو سفر دوامیده ایران جمهور رییسی مسعود پزشکيان، پارلمان رئیسی محمد باقیر قالیباف، تشقی ایشلر وزیری عباس عراقچی همده خاتم النبيا مرکزي قوماندانلیگی رهبری علی عبداللهی بیلن اوچرهشوو و مذاکرهلر اۉتکزگن.
پاکستان اوردوسی بو اوچرهشوولرده اساسي اعتبار منطقهده برقرار تینچلیکنی تأمینلشگه، اینیقسه اۉزگرووچی خوفسیزلیک وضعیتیگه، دایمي دیپلوماتیک علاقهلرگه همده منطقهده تینچلیک و برقرارلیکنی مستحکملشگه قرهتیلگن قۉشمه چارهلرگه قرهتیلگنینی بیلدیرگن.
اوردونینگ قۉشیمچه قیلیشیچه، بو تشریف پاکستان نینگ یقین شرقدهگی ماجرالرنی تینچ یۉل بیلن حل اېتیش همده منطقهده تینچلیک، برقرارلیک و فراوانلیکنی تأمینلشگه قطعي صادقلیگینی کۉرسهتهدی.
عاصم منیر چهارشنبه کونی یوقاری مرتبهلی هیئت باشچیلیگیده تهرانگه یېتیب کېلگن اېدی.
اۉشه پیتده ایران عامهوي اخبارات واسطهلری او واشنگتننینگ ینگی خبرینی ایرانگه یېتکزگنینی و اېران رسميلری بیلن امریکا بیلن ینگی مذاکرهلر باسقیچی حقیده هم محاکمه قیلیشی کوتیلهیاتگنینی خبر قیلگن اېدی.
عاصم منیر و پاکستان باش وزیری شهباز شریف اوّلراق تهرانده امریکا و ایران اۉرتهسیدهگی ایکّی هفتهلیک اۉت آچیشنی تۉختهتیش همده مذاکرهلرنینگ بیرینچی باسقیچیگه واسطهچیلیک قیلگن اېدی.
پاکستان رسميلری مذاکرهلرنینگ ینگی باسقیچینی هم اسلام آبادده اۉتکزیشگه حرکت قیلماقده.
