امریکا قوشمه ایالتلری و ایران اسلامی جمهوریتی اۉرتهسیده مذاکرهلر دوام اېتر اېکن، اوشبو مذاکرهده ایران هیاتینینگ باشلیغی محمدباقر قالیباف هلی ایکّی تامان اۉرتهسیدهگی اساسی معمالرگه یېچیم تاپیلمهگنیدن خبر بېردی.
بوحقده نشر اېتیلگن خبرلرگه کۉره، قالیباف، ایران و امریکا اۉرتهسیدهگی اساسی قرمه-قرشیلیک ایراننینگ هستهای قورال رېجهسی و هرمز بۉغازی تقدیری دېب بیلدیردی.
شو بیلن بیرگه، ایرانلیک بو مقام، امریکا و ایران مذاکرهسی یخشیلیک بیلن ایلگری کېتهیاتگنینی معلوم قیلیب، مذاکرهده یوتوقلر قۉلگه کېلگن دېب خبر قیلدی.
بو شوندی بیرحالده دیر که کېلهسی بیر کون دوامیگه قدر ایران و امریکا اۉرتهسیدهگی آتیش-کېسین کېلیشووی یکونلنهدی و امریکا جمهور باشلیغی دونالد ترمپ آگاهلنتیریشیچه، کېلیشووگه ایریشیلمهگن تقدیرده بمباردمان باشلنیشی ممکن.
