آستانه تایمیز- قزاقستان مرکزی آسیاده صنعی یاغمیر تکنالوژیسینی عملده آشیرهدیگن بیرینچی دولت بۉلیشی کوتیلماقده. بو رېجه سو تنقیسلیگینی کمیتیریش و اقلیم معمالریگه قرشی کورهشیشده مهم آدیم صفتیده بهالنماقده.
لایحه عرب ایالتلری بیرلیگی ملی متالورژی مرکزی بیلن همکارلیکده عملگه آشیریلیماقده. متخصصلر بولوتلرنی صنعی اروغلهنتیریش آرقهلی یاغینگرچیلیک مقدارینی آشیریش اوستیده ایشلهیدی.
لایحهنینگ تۉلیق باشلنیشی 17 می کونی تورکستان ولایتیده رېجهلشتیریلگن. رسمیلر بو آرقهلی سو ذخیرهلرینی تۉلدیریش، قورغاقچیلیک خوفنی کمیتیریش و قیشلاق خواجهلیگی حدودلریگه سو یېتکزیب بېریشنی یخشیلشنی آماجلهگن.
بو مسله قاسم جومرات توقایف و جهان متالورژی تشکیلاتی یېتکچیلری عبدالله المندوس اوچرشوویده محاکمه قیلیندی. تمانلر اقلیم اۉزگریشی، کېلهجک آب-هوا حالتینی آلدیندن بیلیش و طبیعی آفتلردن آگاهلنتیریش تیزیملری حقیده هم فکر یوریتدی.
قزاقستان سو خوفسیزلیگی و سو قیناقلرینی باشقریش مسلهسینی منطقهوی، اینیقسه مملکت امبیتی دایرهسیده خلقارا سو تشکیلاتی یرهتیش تشبثینی ایلگری سورهیاتگنینی بیلدیردی.
