طالبان نظارتیدهگی افغانستان برق یېتکزیش شرکتی بیر بیانات نشر قیلیب، بو شرکت باشلیغی عبدالحق همکار تورکمنستانگه سفر قیلیب، بو مملکت انرژی وزیری آننه گیلدی سفروف بیلن اوچرهشگن.
بوحقده نشر اېتیلگن بیاناتگه کۉره، اوشبو اوچرهشووده تورکمنستاننینگ ۵۰۰ کیلو ولت برق یېتکزیش لایحهسی طالبان و تورکمنستان اۉرتهسیده برق ساحهسیدهگی همکارلیکلر کېنگهیشی خصوصیده فکر المشتیریلگن.
طالبان هیاتی، ۵۰۰ کیلو ولت برق یېتکزیش لایحهسینینگ عملگه آشیریش ایشلری حقیده معلومات بېریب، بو لایحه کېلهسی بیر ییلگچه یکونلنیشینی بیلدیرگن.
شو بیلن بیرگه، طالبان تورکمنستان انرژی وزیری بو مملکت افغانستان بیلن مناسبتده خاص اهمیت بېریشینی بیلدیرگنینی ادعا قیلدی.
ایتیش کېرهک که افغانستان اۉزینینگ برق احتیاجلری کتّه قسمینی قۉشنی مملکتلردن آلیب کېلینگن برق بیلن تامینلهیدی.
