بیر قنچه یېتکیرمهلر اۉز منبعلری معلوماتیگه اساسلنیب خبر بېریشیچه، طالبان رهبری هبتالله آخوندزاده بویروغی اساسیده، بو ولایتنینگ ایریم حدودلریده بیرمینگ کیشیلیک قوشون یېتیب بارگن.
طالباننینگ اوشبو قوراللی کوچلری، بدخشاننینگ آلتین کانلرینی بوتونلهی اېگهلب آلگن دېب ایتیلماقدهلر .
اوشبو حرکت بدخشانده، کان ایشلب چیقریش اوستیده، طالبان و محلی اهالی همده طالبان اۉز قومندانلری اۉرتهسیده قرمه-قرشیلیکلر جدّیلشگنی آرتیدن یوز بېرگن.
بوحقده نشر اېتیلگن معلوماتنی بیلدیریشیچه، طالباننینگ اوشبو قوراللی کوچلری کۉپینچه درواز اولسواللیگیگه یوباریلگن.
عینی حالده، طالبان بدخشانده اوشبو جنجللر باعث محمدموسی ناملی قومندانلریدن بیرینی هم حبسگه آلگن.
ایریم خبرلرگه کۉره، محمدموسی و جمعه خان فاتح ناملی طالبان محلی قومندانلرینینگ حربیلری هم حبسگه آلینیشدن قۉرقیب تاغلرگه چیققن.
ایتیش کېرهک که طالبان بدخشان آلتین کانلرینی کېنگ مقیاسده چیقریب اۉز اختیاریگه آلماقده.
