جمعی خوفسیزلیک کېلیشووی تشکیلاتینینگ باش کاتبی طالقبیک ماسادکوفگه اساسلنیب نشر اېتیلگن خبرلرگه کۉره، منطقوی اوچ تشکیلات بیرگهلیکده افغانستان احوالی و اۉرته آسیا خوفسیزلیگی مسالهسی یوزهسیدن قوشمه ییغین اۉتکزهدی.
اوشبو ییغین، جمعی خوفسیزلیک کېلیشووی تشکیلاتی، شانگهای همکارلیکلر تشکیلاتی و مستقل دولتلر همدوستلیگی تشکیلاتی اۉرتهسیده اۉتکزیلیشی معلوم قیلینگن.
بوحقده نشر اېتیلگن خبرلرگه کۉره، ییغینده افغانستان احوالی و اۉرته آسیانینگ خوفسیزلیگی یوزهسیدن فکر المشتیریلهدی.
ییغین، جاری میلادی ییلنینگ ایکّینچی یریمیده بۉلیب اۉتیشی و ییغینده اوشبو تشکیلاتلرنینگ یوقاری مرتبهلی رسمیلری اشتراک اېتیشی رېجهلشتیریلگن.
بو شوندهی بیرحالده دیر که طالبان حاکمیتیده بۉلگن افغانستانده ترورچی گروهلر حضوری تورلی مملکتلر اینیقسه اۉرته آسیا مملکتلری خوفسیزلیگی اوچون جدّی خواطر اویغاتگن.
