طالبان آرقهلی پاکستاندن دارو آلیب کېلینیشی منع اېتیلگنی آرتیدن، افغانستان بازارلریده دارو آزهیگن بیرحالده، نیمروز ولایتیده قاچاق یۉلی آرقهلی دارو آلیب کېلیشگه حرکت قیلیش حالتی قید اېتیلگن.
نیمروز ولایتیده طالبان محلی مسووللری معلوماتیگه اساسلنیب نشر اېتیلگن خبرلرگه کۉره، اوشبو ولایتده قاچاق یۉلی آرقهلی پاکستاندن دارو آلیب کېلینیشینینگ آلدی آلینگن.
بو حقده نشر اېتیلگن خبرلر اساسیده، طالبان اوشبو واقعهده ۲.۷ تُن دارو قاچاق یۉلی آرقهلی نیمروز ولایتیگه کېریب کېلیشی آلدی آلینگنینی معلوم قیلگن.
اوشبو دارولر، موترگه یوکلنگن حالده، افغانستانگه آلیب کېلینه یاتگن اېکن.
اخیرگی وقتلرده، افغانستان بازارلری دارو آزلیگی و دارولر نرخی آشیشینینگ گواهی بۉلگن بیر پیتده بو وضعیت بیر قنچه شکایتلرنی هم اۉرتهگه آلیب کېلگن.
