خلقارا یېتکیرمهلر تامانیدن نشر اېتیلگن خبرلرگه کۉره، چین مملکتینینگ کۉمیر کانلریدن بیریده یوز بېرگن گاز پارتلشی واقعهسینینگ قربانلری سانی کۉپهیگن.
بوحقده نشر اېتیلگن خبرلرگه کۉره، اۉتگن آقشام یوز بېرگن اوشبو واقعه نتیجهسیده جان بېرگنلرنینگ سانی ۸۲ کیشیگه یېتگن.
واقعه شانشی ولایتیدهگی لیوشنیو کۉمیر کانیده یوز بېرگن.
شونینگدېک، واقعهده ینه ۲۴۷ ایشچی یېر آستیده قالیب کېتگنی ایتیلهدی.
ایتیش کېرهک که بوندن آلدین، اوشبو واقعه خصوصیده نشر اېتیلگن خبرلرده ۸ کیشی جان بېرگنی و ینه بیر قنچه کیشی یرهلنگنی معلوم قیلینگن اېدی.
چین رسمیلرینینگ اعلام قیلیشیچه، پارتلش سببی تیکشیریلماقده و شو بیلن بیرگه قوتقروو ایشلری هم دوام اېتماقده .
