امریکا قوشمه ایالتلرینینگ جمهور باشلیغی دونالد ترمپ، بو مملکت بیلن ایران اۉرتهسیده بیر کېلیشوو امضالنیب، یقینده اعلام اېتیلیشی ممکنلیگی حقیده خبر بېردی.
ترمپ اۉزینینگ «تروتسوشیال» اجتماعی ترماغیده یازگن بیاناتیده بو مسالهنی ادعا قیلگن.
امریکا جمهور باشلیغی اۉز بیاناتیده، بو کېلیشوونینگ بیران کیچیک مسالهلری بۉییچه بحثلر موجودلیگی و تېزلیکده حل اېتیلیب، اعلام اېتیلیشی ممکنلیگینی معلوم قیلدی.
شو بیلن بیرگه، دونالد ترمپ اوشبو کېلیشوو اساسیده هرمز بۉغازی بوتونلهی آچیلیشی اوچون یۉل آچهدی دېب هم ادعا قیلگن.
بیراق ایران رسمیلری بو ادعانی رد قیلیب، کېلیشوو اساسیده هرمز بۉغازینینگ باشقیریش ایران اختیاریده قۉییلیشینی بیلدیرگن.
بو شوندهی بیرحالده دیر که امریکا و ایران اۉرتهسیده واسطهچیلیک قیلهیاتگن پاکستان اوردوسینینگ باشلیغی عاصم منیر اۉتگن ایرانگه تشریف بویوریب، بو مذاکرهلر حقیده صحبتلشگن اېدی.
