بیبیسی خبریگه کۉره، برازیل حکومتینینگ رسمیلری بو مملکتده ایبولا کسللیگیگه شبهلی چلینگن بیر شخص قرنطین قیلینگنی حقیده خبر بېرگن.
اوشبو حالت افریقادن تشقریده قید اېتیلگن بیرینچی ایبولا واقعهسی بۉلیشی ممکنلیگی خصوصیده خواطر توغدیرگن.
ایتیش کېرهک که ایبولا کسللیگی افریقانینگ کانگو مملکتیده کینگ ترقهلیب بارماقده و حاضرگچه یوزدن آرتیق کیشی اوشبو کسللیک عاقبتیده جان بېرگن.
شو بیلن بیرگه، باشقه بیران افریقالیک مملکتده هم بو کسللیک واقعهلری کۉزهتیلگنی ایتیلگن.
حاضرگچه، بو کسللیک افریقادن تشقریده رویخطگه آلینگن اېمس اېدی. بیراق برازیلده قرنطین قیلینگن شخصنینگ کسللیگی ایجابی اعلام اېتیلگن تقدیرده بو کسللیک افریقادن تشقریگه اوتیب بارگنی ایلک حالتی قید اېتیلهدی.
