تورکیهنینگ انادولو خبرگزارلیگی غزه ساغلیقنی سقلش منبعلریدن بیریگه تیهنیب ترقتگن گزارشیده ایتیشیچه، قربان هییت کونلریده اسرائیلنینگ نوار غزهگه قرشی اویوشتیرگن هجوملریده 33 کیشی جان بېریب و چمهسی 130 کیشی یرهلنگن.
اسرائیلنینگ نوار غزهگه قرشی هجوملری دوام اېتماقده، ساغلیقنی سقلش منبعلری بو منطقهدهگی قربان بۉلگنلر سانی کۉپهییشیدن خبر بېرگن.
عینی حالده غزه ساغلیقنی سقلش وزیرلیگی بیر گزارش آرقهلی قربان هییت کونلریده اسرائیلنینگ هجوملریده 33 کیشی جان بېریب و 130 کیشی یرهلنگنینی تقصدیقلهگن.
اوشبو وزیرلیک شونینگدېک، اۉتکن 24 ساعت آقیمیده جان بېرگن بیر کیشی و یرهلنگن 8 کیشی غزه کسلخانهسیگه آلیب کېلینگنینی معلوم قیلدی.
گزارشلرگه کۉره، 2023- ییلدن بېری اسرائیلنینگ هجوملری عاقبتیده 72 مینگ 939 کیشی جان بېریب و 172 مینگ و 927 کیشی یرهلنگن. شونینگدېک، ایکّی اولکه ارا آتیش کېسین برقرارلنگنیدن حاضرگچه 930 کیشی جان بېریب و 2 مینگ و 819 کیشی یرهلنگن.
