افغانستان بۉییچه چیننینگ مخصوص وکیلی یو شیا یونگ، تورکیهنینگ استانبول شهریگه باریب، اروپا اتفاقی وکیللری بیلن اوچرهشگنیدن خبر بېردی.
بوحقده نشر اېتیلگن بیاناتده، یو شیایونگ اوشبو سفری دوامیده، اروپا اتفاقینینگ خارجی حرکتلر بۉییچه مسووللی اریک کورتزویل و بو اتفاقنینگ افغانستان بۉییچه مخصوص وکیلی ژیل برتران بیلن اوچرهشوو اۉتکزگن.
ایتیلیشیچه، چین مخصوص وکیلی اوشبو سفرلریده، افغانستان مسالهسی خصوصیده اورومچی جریانینی قیته فعاللشتیریش اوچون اورینماقده دیر.
چین مخصوص وکیلی، اوشبو مقصد بیلن اۉتگن دوشنبه کونی، پاکستانده بۉلیب، بو مملکت رسمیلری جملهدن پاکستاننینگ افغانستان بۉییچه مخصوص وکیلی محمدصادق بیلن اوچرهشدی.
ایتیش کېرهک که طالبان و پاکستان اۉرتهسیدهگی کېلیشماوچیلیکلرگه نقطه قۉییش مقصدیده اۉتکزیلگن اورومچی ییغینی، هیچ قندهی نتیجهسیز یکونلنگندی.
