پروان ولایتی شیخ علی اولسواللیگینینگ «بیدقول» منطقهسیده یوزبېرگن ترافیک واقعهده بېش کیشی جان بېریب و باشقه ۳ کیشی یرهلنگن.
پروان ولایتی خوفسیزلیک رسمیلرینینگ ایتیشیچه، اوشبو واقعه یوک تشووچی بیر موتر فلانکوچ رسوملی موتر بیلن تۉقنهشووی عاقبتیده یوزبېرگن.
باشقه تاماندن زابل ولایتیده یېرلشگن کابل – قندهار عمومی یۉلیده یوزبېرگن ترافیک واقعهده ۲ کیشی جان بېریب و باشقه تۉرت کیشی یرهلنگن.
گزارشلرگه کۉره، اوشبو واقعه ایکّی موتر توقنهشووی عاقبتیده یوزبېرگن و موترلر بیرینینگ ایچیدن میلیونلرچه افغانی پول چیقاریلگن.
اوشبو واقعه قندهی یوزبېرگنی و بو مقدار پول نیمه سببده مذکور موتر ایچیده تاشیلگنی حاضرگچه انیقلنمهگن.
سۉنگی کونلرده مملکت کۉپلب ولایتلریده ترافیک واقعهلری کۉپهیگن، اوشبو واقعهلر کۉپراق هیداوچیلرنینگ احتیاط سیزلیگی، یۉلر معیاری شکلده توزه تیلمهگنی و ترافیک قاعدهلرینی نظرده آلمسلیک سبب یوزبېرماقده.
