تورکیه فوتبال ملی تیرمه جماعهسی، نوبتدهگی جهان جامیده قانیقرلی نتیجهلرنی آلمهی اۉتکزگن ایکّی اۉیینده هم مغلوبیتگه اوچرهدی.
تورکلر بوگون اېرتهلب، ۲۰۲۶ – ییل جهان جامی دایرهسیده ایکّینچی اۉیینده پاراگوئه برابریده مغلوبیتگه تَن بېردی و شو بیلن تورکیه فوتبال ملی تیرمه جماعهسی جهان جامینینگ گروهی باسقیچیدن اۉتیشگه قادر بۉلمهدی.
اوشبو اۉیین ۱ – ۰ حسابیده پاراگوئه فایدهسیگه یکولندی.
تورکیه فوتبال ملی تیرمه جماعهسی کوتیلمهگن اۉییننینگ باشلنگن بیرینچی دقیقهسیده گولگه اوچرهدی و کېلهسی کمیده ۹۰ دقیقهده بو گولنی قیتریشگه قادر بۉلمهدی.
تورکیه بو نتیجهنی شوندهی بیرحالده تَن آلماقده دیر که پاراگوئه فوتبال ملی تیرمه جماعهسینینگ بیر اعضاسی قیزیل کارت بیلن جزالنگنی سبب بو جماعه اۉییننینگ یریمینی ۱۰ کیشیلیک دوام بېردی.
اۉیینده، تورکیهنینگ هجوملری چانسسیزلیک بیلن دوچ کېلیب، گول بۉلمهدی و بعضیده دروازه ستونلریگه تیگیب قیتدی.
ایتیش کېرهک که تورکیه فوتبال جماعهسی، آردا گولر، کنان ییلدیز و هاکان چالهاناۉغلو کبی یولدوزلری بیلن کوچلیراق اۉیین کۉرسهتیشی و جهان جامینینگ یوقاری درجهلریده باریشی کوتیلگن اېدی.
