ایسنا معلوماتیگه کۉره، پاکستان ایچکی ایشلر وزیری بوگون (شنبه،۳۰ جوزا) مشهد شهریگه یېتیب بارگن و او یېردن ایران پایتختی تهرانگه یۉل آلیشی رېجهلشتیریلگن.
نشر ایران تشقی ایشلر وزیرلیگی مطبوعات سۉزلاوچسی اسماعیل بقایی نینگ سۉزلریگه تهیهنیب یازیشیچه، پاکستان ایچکی ایشلر وزیری نینگ سفری اسلام آباد نینگ ایران–امریکا مذاکرهلری بیلن باغلیق دیپلوماتیک سعی-حرکتلری دایرهسیده عملگه آشیریلماقده.
بقایینینگ تأکیدلشیچه، محسن نقوی ایران ایچکی ایشلر وزیری اسکندر مؤمنی همده تشقی ایشلر وزیری عباس عراقچی بیلن اوچرهشیب، مذاکرهلر اۉتکزهدی.
بو پاکستان ایچکی ایشلر وزیری نینگ ایران و امریکا اۉرتهسیدهگی مذاکرهلر باشلنگنیدن بویان ایرانگه عملگه آشیرهیاتگن اوچینچی سفری حسابلنهدی. محسن نقوی بوندن آلدین هم ایران و پاکستان اۉرتهسیدهگی کېلیشوو امضالنیشیدن اوّل ایکّی مرته تهرانگه تشریف بویورگن اېدی.
مذکور سفر ایران و امریکا اۉرتهسیدهگی نوبتدهگی مذاکرهلر باسقیچی سویسده اۉتکزیلیشی کوتیلهیاتگن بیر پیتده عملگه آشیریلماقده. اوشبو مذاکرهلر کېچه باشلنیشی کېرهک اېدی، بیراق سویس تشقی ایشلر وزیرلیگی هېچ قندهی ایضاح بېرمسدن اوچرهشوولر کېینگه قالدیریلگنینی معلوم قیلگن.
