بدخشان ولایتیدن منبعلرنینگ اۉزبېک تیوی گه ایتیشیچه، سۉنگّی کونلرده بو ولایتده طالباننینگ حربی حرکتلری جدّیلشیب، طالبان تورلی بهانهلر بیلن بدخشانده حربی کوچلرنی جایلشتیرماقده دیر.
منبعلرنینگ ایتیشیچه، ایلگری هم تریاکنی یۉق اېتیش و کانلرنی محافظت قیلیش بهانهسیده بدخشانده طالبان حربی کوچلری چقیریلگن اېدی و حاضر بو کوچلر سانی ینه-ده جدّی بیرحالده کۉپهییب بارماقده.
محلی منبعلر، طالبان بو حرکتلرینینگ بدخشاندهگی ایچکی کېلیشماوچیلیکلر بیلن باغلیق اېکنینی بیلدیرهدیلر.
شو بیلن بیرگه، منبعلرنینگ ایتیشیچه بدخشانده طالبان محلی قومندانلریدن جمعه فاتحنینگ ناراضیلیکلری جدّیلشگن.
ایتیلیشیچه، بدخشانده طالبان بو محلی قومندانی و کابلدن کېلگن هیات اۉرتهسیده بیر قنچه مذاکرهلر هم اۉتکزیلگن بیراق مذاکرهلر نتیجه بېرمهگن و حاضر طالبان جمعه خان فاتح حبسگه آلینیشی خصوصیده حرکت قیلماقده و شو سبب بدخشانده حربیلر سانی آشیریلگن.
