طالباننینگ بلخ ولایتی امنیه قوماندانلیگی اخبارات باشقرووچیسی خبر بېریشیچه، ساختهکارلیک بیلن دولتی ادارهلرنی تاپهلری و رسمی حجتلرینی توزه تیشگه عیبلنگن تۉرت کیشی اوشلهنگن.
ترقهتیلگن خبرلرگه کۉره، حبسگه آلینگن کیشیلر واسطهلرنی حجتی، هیداوچیلیک حجتی و باشقه رسمی حجتلرنی ساخته شکلیده توزهتیش ایشلری بیلن شغللنگن، اولر شونینگدیک ترافیک باشقرمهسی، ثبت احوال نفوس ادارهسی، کسلخانهلر و باشقه قطار ادارهلرنی ساخته تاپهلرینی توزهتیب اوندن ایش آلگنلر.
یۉلگه قوییلگن عملیاتلرده، بیرقنچه ساخته حجتلر، مهرلر، تاپهلر و باشقه بیر قنچه اوسکونهلر اولر یانیدن تاپیلیب قید اېتیلگن.
رسمیلرنینگ تاکیدلشیچه، قۉلگه آلینگن شخصلر، دستلبکی تیکشیروودن سونگ عدلی و قضایی ادارهلریگه تاپشیریلهدی.
