جهان ساغلیقنی سقلش تشکیلاتینینگ مدیرلریدن حنان بلخی، افغانستاندهگی سفری حقیده بیانات ترقهتیب، یازیشیچه، بو سفر دوامیده پولیو کسللیگی و بو کسللیککه قرشی بالهلر اېملنیشی خصوصیده بحثلر اۉتکزگن.
بلخی اوشبو سفری دوامیده، طالبان رسمیلری و افغانستانده بیرلشگن ملتلر تشکیلاتی ادارهلری وکیللری بیلن ییغین اۉتکزگنینی هم بیلدیرگن.
شو بیلن بیرگه، حنان بلخی افغانستانده هر بیر باله پولیو یا ده بالهلر فلج کسللیگیگه قرشی اېملنیش کېرهکلیگینی هم تاکیدلگن.
بو شوندهی بیرحالده دیر که افغانستانده حاضرگچه پولیو کسللیگی بوتونلهی یۉق اېتیلمهگن.
معلوماتلرگه کۉره، افغانستان و پاکستان پولیو کسللیگی ایجابی واقعهلری هلی هم موجود بۉلگن دنیادهگی یالغیز مملکتلر دیر.
