طالبان نینگ جوزجان ولایتیدهگی امنیه قوماندانلیگی مسووللری درزاب اولسواللیگیده 14 یاشلی اۉسمیر پیچاقلب اۉلدیریلگنینی معلوم قیلدی.
طالبلرنینگ جوزجان امنیه قوماندانلیگی مطبوعات سۉزلاوچیسی عبدالستّار حلیمي نینگ ایتیشیچه، هلاک بۉلگن اۉسمیرنینگ اسمی عزیزالرحمان بۉلیب، او تیناوون (16-سرطان، سهشنبه) باشقه بیر اېرکک تامانیدن اۉلدیریلگن.
حلیميگه کۉره، قاتللیکده گمان قیلینهیاتگن شخص واقعهدن سۉنگ جوزجان ولایتی مرکزی شبرغان شهریگه قاچگن، بیراق طالبان خوفسیزلیک کوچلری تامانیدن قۉلگه آلینگن.
حلیمي قاتللیک سببلری حقیده معلومات بېرمهگن و مذکور حادثه یوزهسیدن تېرگاو باشلنگنینی بیلدیرگن.
افغانستاننینگ تورلی ولایتلریده دېیرلی هر کونی قاتللیکلر و جسدلر تاپیلگنی حقیده خبرلر ترقهلماقده.
تیناوون هم قندهار شهریدهگی محلي منبعلر ایکّی کون اوّل بېدرَک یۉقالگن واحدالله اسملی ییگیتنینگ جسدی شهرنینگ عینومینه منطقهسیدن تاپیلگنینی معلوم قیلگن اېدی.
