«افغانستان پولیوسیز صحیفهسی» ینگی پولیوگه قرشی اېملش کمپاینی اېرتهگه (شنبه، ۲۰-سرطان) نورستان ولایتی و کنر ولایتی نینگ بېش اولسواللیگیده باشلهنیشینی معلوم قیلدی.
صحیفه معلوماتیگه کۉره، اوشبو کمپاینده بالهلرنینگ معافیتی تیزیمینی مستحکملش و پولیو ویروس ترقهلیشینینگ آلدینی آلیش مقصدیده پولیوگه قرشی «زرقی » همده آغیز آرقهلی تامچی واکسینهلری نینگ هر ایکّیسی قۉللنیلهدی.
مذکور کمپاین جاري هفتهنینگ سهشنبه کونیدن باشلب اوچ کون دوامیده هلمند ولایتی مرکزی و اونینگ تۉرت اولسواللیگی، شونینگدېک، قندهار ولایتی مرکزیده هم اۉتکزیلگن اېدی.
حاضرده افغانستانده پولیوگه قرشی اېملش نینگ عمومیلیگی کمپاینی تۉختهتیلگن بۉلیب، فقط اَیریم ولایتلرده محلي کمپنیلر اۉتکزیلماقده. اوشبو عمومی کمپاین نیمه سببدن تۉختهتیلگنی حاضرچه معلوم اېمس.
جهان ساغلیقنی سقلش تشکیلاتی معلوماتلریگه کۉره، جاري ییل دوامیده افغانستانده پولیو نینگ 6 ته انساني مثبت حالتی و۳۴ ته اطراف-محیطدن انیقلنگن مثبت حالتی قید اېتیلگن.
۲۰۲۵-ییلده اېسه افغانستانده جمعی۲۱ ته انساني مثبت حالت و۹۴ ته اطراف-محیطدن انیقلنگن مثبت حالت رۉیخطگه آلینگن اېدی.
حاضرگی وقتده افغانستان و پاکستان پولیو (بالهلر فلجی) کسللیگی حلی تۉلیق یۉق قیلینمهگن دنیادهگی یگانه ایکّی دولت حسابلنهدی.
