اۉزبېکستاننینگ «قلمپیر.اوز» نشری تاماندن ترقهتیلگن خبرگه کۉره، بو مملکت سپورت رسمیلری، دنیانینگ تانیقلی فوتبال جماعهلریدن بۉلمیش اسپانیانینگ بارسلونا فوتبال جماعهسی مسووللری بیلن آنلاین ملاقات اۉتکزگن.
خبرگه کۉره، اوشبو ملاقاتده، اۉزبېکستانده بارسلونانینگ اکادمیسی آچیلیشی مسالهسی یوزهسیدن فکر المشتیریلگن.
اوشبو ملاقاتده، اۉزبېکستاننینگ سپورت وزیری ادهم اکراماف شامل بیر قنچه اۉزبېکستانلیک سپورت رسمیلری همده بارسلونا جماعهسینینگ اجراییه اعضالریدن سېسر مارتینس همده بارسلونانینگ بیلیملر، علمی تدقیقاتلر و سرمایه کېریتیش پلتفورمهسینینگ باش مدیری آلبرت موندېت اشتراک اېتگن.
شونینگدېک، ملاقات دوامیده «بارسلونا» کلوپینینگ رسمي خلقارا فوتبال اکادمیسی لایحهسینی اۉزبېکستانده عملگه آشیریش امکانیتلری محاکمه قیلینگنی قید اېتیلگن «قلمپیر اوز» خبریده.
ایتیش کېرهک که اۉزبېکستان حکومتی سونگّی بو مملکتده سپورت اینیقسه فوتبالنی راوجلنتیریش اوچون اونملی قرارلرنی قبول قیلماقده دیر.
