طالبان معلوم قیلیشیچه، تیناوون جمعی 541 عایله، یعنی2934 نفر کیشی مجبوري روشده افغانستانگه قَیتریلگن.
طالبان مطبوعات سۉزلاوچیسی اۉرینباسری حمدالله فطرت سهشنبه کونی (6-اسد) اعلان قیلگن بیاناتده، قَیتریلگن مهاجرلر نینگ اکثریتی تورخم چېگره اۉتیش یۉلی آرقهلی مملکتگه کیرگنینی بیلدیردی.
بیاناتگه کۉره، 433 عایله ایکّی مینگ 402 کیشی ننگرهار ولایتیدهگی تورخم چېگره سی، 55 عایله (321 کیشی) قندهار ولایتیدهگی سپین بولدک چېگرهسی آرقهلی افغانستانگه قَیتریلگن.
شونینگدېک، 35 عایله (125 کیشی) نیمروز ولایتیدهگی ایپک یۉلی چېگرهسی، ینه 18 عایله (68 کیشی) هرات ولایتیدهگی اسلام قلعه چېگرهسی آرقهلی مملکتگه کیرگن.
سۉنگگی آیلرده ایران و پاکستان افغانستان مهاجرلرینی مجبوري روشده آرتگه قَیتریش جریانینی ینهده کوچهیتیرگن.
