طالبان حاکمیتگه قَیتگنی نینگ بېشینچی ییللیگی عرفهسیده سابق حکومت اوردوسی قوماندانلریدن بیری بۉلگن سمیع سادات باشچیلیگیدهگی «افغانستان بیرلشگن جبههسی» طالبانگه قرشی «محارب» ناملی حربي عملیاتنی باشلشینی اعلان قیلدی.
جبهه بوگون (شنبه،۱۰ اسد) ترقهتگن بیاناتیده، «افغانستاننی آزاد قیلیش و حاکمیتنی خلققه قَیتریش یۉلیدهگی میسسیهنی قۉللب-قوّتلش مقصدیده، جبهه نینگ حربي کمیسیونی طالبان همده افغانستانده فعالیت یوریتهیاتگن باشقه ترورچی گروهلرگه قرشی حربي عملیاتلرنی آلیب باریش مسوولیتینی اۉز ذمّهسیگه آلهدی»، دېب معلوم قیلدی.
«فغانستان بیرلشگن جبههسی» اۉز کوچلری «فیقه الجهاد» تمایللریگه موافق هجوملرنی عملگه آشیریشینی، هجوملرنینگ اساسي نشانلری اېسه طالبان اعضالری و رهبریتی بۉلیشینی بیلدیردی.
جبهه، شونینگدېک، اۉز کوچلری خلقارا قوراللی ماجرالر و اوروشلرگه عاید برچه خلقارا قانون-قاعدهلرگه رعایه قیلیشینی هم تأکیدلهدی.
بو بیانات سۉنگگی کونلرده طالبانگه قرشی فعالیت یوریتهیاتگن باشقه قوراللی گروهلرنینگ هم مملکت نینگ تورلی حدودلریده هجوملرینی کوچهیتیرهیاتگن بیر پیتده اعلان قیلیندی.
