طالباننینگ مهاجرلر ایشلری بۉییچه عالی کمیسیونی تامانیدن نشر اېتیلگن معلوماتگه کۉره، بیر کون ایچیده ینه بیربار یوزلب عایله افغانستانگه قیتریلگن.
اوشبو معلومات اساسیده، بو مهاجرلر ۴۴۴ عایلهدن عبارت بۉلیب، اۉتگن کون یکشنبه، ۱۱ – اسد، افغانستانگه قیتریلگن.
طالبان بو مهاجرلر ایکی مینگ و ۲۵۹ کیشینی اۉز ایچیده آلگنینی هم معلوم قیلگن.
مذکور مهاجرلر، پاکستان و ایران حکومتلری تامانیدن چیقریلیب، تورخم، اسپین بولدک، نیمروز و اسلام قلعه چېگره یۉللری آرقهلی، افغانستانگه قیتریلگن.
بو شوندهی بیرحالده دیر که افغانستانده ایشسیزلیک و آغیر اقتصادی معمالر همان دوام اېتماقده و مهاجرلرنینگ کېنگ کولمده قیتریلیشی اوشبو معمالرنی ینهده آغیرلشتیریشی خصوصیده خواطرلر موجود.
