ایتاليانینگ افغانستان بۉییچه اېلچیخانهسی مملکتی یونېسکو بیلن همکارلیکده مزار شریفدهگی حضرتی علی زیارتگاهینی مستحکملش و ترمیملش بۉییچه فوقالعاده ایشلرنی باشلهگنینی معلوم قیلدی.
اېلچیخانه بوگون (چهارشنبه، 14 اسد) ایکس اجتماعي ترماغیده نشر قیلگن خبرده، اوشبو تشبث مدني میراثنی محافظه قیلیش و محلي اهالی اوچون ایش اۉرینلری یرهتیشگه قرهتیلگنینی، شونینگدېک، ایتاليا و بیرلشگن ملتلر تشکیلاتینینگ افغانستان خلقینی قۉللب-قوّتلش بارهسیدهگی عمومي مجبوريتینی تصدیقلشینی بیلدیردی.
بلخ ولایتی مرکزی مزار شریف شهریده جایلشگن، حضرت علیگه نسبت بېریلهدیگن روضه مبارک اۉتگن ییلی یوز بېرگن زلزله عاقبتیده جدّي ضرر کۉرگن اېدی.
اوشبو تاریخي آبده هجري-شمسي تقویم نینگ بېشینچی عصریده سلطان حسین بایقرا تامانیدن بنیاد اېتیلگن بۉلیب، سیاحلیک نینگ مهم مسکنلریدن بیری همده مسلمانلر اوچون مقّدس قدمجالردن حسابلنهدی.
روضه سخي سۉنگگی ییللردهگی اوروشلر، حکومت نینگ اعتبارسیزلیگی و طبيعي آفتلر سببلی قولش خوفی آستیده قالماقده.
