بیرلشگن ملتلر تشکیلاتینینگ انسانپرورلیک مسألهلرنی موافقلشتیریش ادارهسی (اوچا) نینگ معلوم قیلیشیچه، افغانستانده 2،7 میلیوندن آرتیق قَیتگن مهاجر شاشیلینچ یاردمگه محتاج.
تشکیلات پنجشنبه کونی، 15-اسد کونی ایکس اجتماعي ترماغیدهگی صحیفهسیده قید اېتیشیچه، اویگه قَیتیش یۉل نینگ فقط باشلنیشی بۉلیب، اۉز حدودلریگه قَیتگن کۉپلب عایلهلر حیاتینی قَیته تیکلش اوچون هنوز انسانپرورلیک یاردمینی طلب قیلماقده.
اوچا نینگ بیلدیریشیچه، قَیتگن مهاجرلرنینگ اساسي احتیاجلری خوفسیز باشپناه بیلن تأمینلش، تیریکچیلیک منبعلرینی قۉللب-قوّتلش، تعلیم و ساغلیقنی سقلش خدمتلریدن فایدهلنیش امکانیتینی یرهتیشنی اۉز ایچیگه آلهدی.
تشکیلات عایلهلرنینگ حیاتینی قَیته تیکلشی و عادتي تورموشگه قَیتیشی اوچون یاردملرنی دوام اېتتیریش ضرورلیگینی تأکیدلهدی.
شونینگدېک، اوچا یاردم کۉرسهتووچی تشکیلاتلرنی قَیتگن مهاجرلرنینگ شاشیلینچ احتیاجلرینی قاندیریش بۉییچه کمکنی دوام اېتتیریشگه چقیردی.
