افغانستان انترنشنل منبعلریگه اساسلنیب نشر قیلگن خبریگه کۉره، افغانستان سابق حکومتی رسمیلریدن بیر قنچه کیشیلر، پاکستانگه سفر قیلگن.
بوحقده نشر اېتیلگن خبر اساسیده، اوشبو هیات ترکیبیده افغانستاننینگ سابق حکومت یوقاری مرتبهلی رسمیلری و پارلمان اعضالری جملهدن اۉزبېک سیاستچیلر حضوری بار دیر.
طالبانگه نسبتن قرشیلیک و افغانستان سیاسی تقدیری مسالهسی یوزهسیدن پاکستان رسمیلری بیلن صحبتلشیش مقصدیده بارگن بو هیات ترکیبیده، افغانستان سابق پارلمانینینگ باشلیغی عبدالروف ابراهیمی و سابق حکومت دوریده تخار ملت وکیلی همده جوزجان ولایت والیسی محمدعالم ساعیدن عبارت اۉزبېک سیاستچیلر هم بارلیگی ایتیلهدی.
بوندن تشقری، اوشبو هیات ترکیبیده، سابق حکومت صناعت و سودا وزیری نثار احمد فیضی غوریانی، سابق پارلمان اعضالری محمدالماس زاهد و محمد اقبال صافی همده الیاس غوریانی بار.
حاضرگچه بو هیات، پاکستاننینگ قیسی رسمیسی بیلن اوچرهشیب و نیمه قرارلرگه یېتیشگنی انیق اېمس.
بو شوندهی بیرحالده دیر که اخیرگی وقتلرده، طالبانگه نسبتن قرشیلیکلری کېسکینلشگن.
