غزنی ولایتیده طالبلر امنیه قومندانلیگینینگ اعلام قیلیشیچه، بو ولایتده سابق اوروشلردن پارتلمهی قالگن اوروش جهازلرینینگ پارتلشی عاقبتیده، ایکّی باله جان بېرگن و ینه تۉرت باله یرهلنگن.
اوشبو قربانلیکلر غزنی ولایتی مرکزی و قرهباغ اولسواللیگیده یوز بېرگن ایکّی علیحده واقعهده یوز بېرگن.
واقعهلردن بیری، تیناوون آقشام غزنی شهرینینگ «نوغی» قیشلاغیده یوز بېریب، ایکّی باله جان بېریشی و ینه اوچ کیشی یرهلنیشیگه سبب بۉلگن.
واقعه بالهلر تېمیرلر بیلن اۉینهب تورگن پیتیده یوز بېرگن.
شونینگدېک، غزنی ولایتی قرهباغ اولسواللیگی نینگ میرحسین قیشلاغیده هم شوندهی بیر واقعه یوز بېریب، بیر باله یرهلنیشیگه سبب بۉلگن.
