طالبلرنینگ نورستان ولایتیدهگی محلي مسووللرینینگ معلوم قیلیشیچه، بېرگ متال اولسواللیگی منطقهسیدهگی کانلردن بیریده یوز بېرگن پارتلش عاقبتیده بیر کانچی هلاک بۉلگن، ینه بیر کانچی جراحت آلگن.
طالبلر نورستان امنیه قوماندانلیگی مطبوعات کاتبی محمدحسن ثاقبنینگ ایتیشیچه، حادثه تیناوون (شنبه، ۱۷اسد) برگ متال اولسواللیگینینگ پچیگرام حدودیدهگی کانلردن بیریده صادر بۉلگن.
اونینگ سۉزلریگه کۉره، پارتلش نتیجهسیده بیر کانچی واقعه جاییده هلاک بۉلگن، ینه بیر کانچی اېسه جراحتلنیب، شفاخانهگه آلیب کېتیلگن. اونینگ ساغلیغی حقیده قۉشیمچه معلومات بېریلمهگن.
ثاقیب نینگ بیلدیریشیچه، حادثه کانچیلر قزیب آلیش ایشلری اوچون کان ایچیگه پارتلاوچی مادّهلرنی جایلشتیرهیاتگن پیتده یوز بېرگن.
هلاک بۉلگن و یرهلنگن کانچیلرنینگ ایکّلهسی هم کنر ولایتینینگ ناری اولسواللیگی یشاوچیسی بۉلیب، اوشبو کانده ایشلش اوچون نورستانگه کېلگن اېدی.
