پاکستاننینگ لاهور محکمهسی قراری اساسیده، بو مملکتده افغانستانلیک طلبهلر اۉقیشی دوام اېتیشی قرار قیلینگن.
بو حقده نشر اېتیلگن خبرلرگه کۉره، لاهور محکمهسی پاکستان طبیات کېنگشینینگ قراریگه قرشی حُکم چیقرگن.
دېیرلی اوشبو قرار اساسیده، حاضرده پاکستانده طبیات یونهلیشیده اۉقیش آلهیاتگن طلبهلرنینگ اۉقیشی دوام اېتهدی.
بوندن آلدین، پاکستان طبیات کېنگشی اوشبو مملکتده افغانستانلیک طلبهلر اۉقیشی تۉختهتیلیشی و اولر بو مملکتنی ترک اېتیشی بیلدیریلگن اېدی.
بو قرار، پاکستاندهگی افغانستانلیک طلبهلر اوچون جدی خواطرلرنی کېلتیریب چیقردی.
اۉتگن کون پاکستانده تحصیل آلهیاتگن ایکّی افغانستانلیک اۉزبېک طلبهلر اۉزبېک تیوی بیلن بۉلگن صحبتده، بو قرار عملگه آشیریلگن تقدیرده اولرنینگ کېلهجکلری خواطرلی بۉلیشینی معلوم قیلگن اېدی.
