تورکیه ایچکی ایشلر وزیری، مصطفی چیفتچی ایتیشیچه، تورکی دولتلر اۉرتهسیده «TÜRKPOL» نامیده بیر پولیس تشکیلاتی اېجاد اېتیلیشی تکلیف اېتیلگن.
تکلیف اساسیده، تورکی دولتلر اۉرتهسیده جنایتلرگه قرشی کورهش مسالهسی بۉییچه انترپول و یوروپول کبی تورکپول مشترک پولیس کوچلری تشکیل اېتیلیشی ضرور دیر.
اوشبو تکلیف، قزاقستانده تورکی دولتلر ایچکی وزیرلری ییغینیده ایلگری سوریلگن.
تورکیه ایچکی ایشلر وزیری بو تکلیف ییغیلیشده اشتراک اېتگن قزاقستان، آذربایجان، قیرغیزستان و اۉزبېکستان ایچکی ایشلر وزیرلری تامانیدن هم جوده ایجابی قرشی آلینگنینی بیلدیرگن.
ایتیلیشیچه، بو تشکیلات اېجاد اېتیلگن تقدیرده اونینگ فعالیتی، جنایتچیلیک گروهلری، تروریزم، مخدره مادّهلر، ترتیبسیز مهاجرت، ناقانونی گرولر و قمار جنایتلریگه قرشی کورهش مسالهلریگه قرهتیلهدی.
ایتیش کېرهک که تورک دولتلری بو مملکتلرنینگ مشترک تشکیلاتی دایرهسیده همکارلیکلرینی تورلی ساحهلر کېنگهیتیریشگه اورینماقده.
