طالبان اېکینچیلیک وزیری عطاءالله عمری، ایران اسلامی جمهورلیگینینگ کابلدهگی اېلچیسی علیرضا بېکدلی بیلن اوچرهشیب و ایکّی اولکه ارا اېکینچیلیک و چارواوچیلیک همکارلیکلری کېنگهییشی خصوصیده سۉزلشگنی حقیده خبر بېریلدی.
بو حقده ترقهتیلگن معلوماتده، بو اوچرهشووده ایکّی تامان افغانستاندن بیر تخنیکی هیأت ایران تامان سفری، اېکینچیلیک و چارواچیلیک همکارلیکلری کېنگهییشی و افغانستان نینگ گوشت و پختهسی ایرانگه صادر اېتیلیشی بارهسیده فکر المشتیرگنلر دېب قوشیمچه قیلینگن.
طالبان اېکینچیلیک وزیری، بو وزیرلیک اۉرین باسری باشچیلیگیده و خصوصی سکتورلر اشتراکیده بیر تخنیکی هیأت یقینده ایران گه سفر قیلیب بو اولکه خصوصی سکتورلری و تخنیکی رسمیلری بیلن اوچرهشیشینی معلوم قیلدی. او شونینگدېک افغانستاننی اېکینچیلیک و چارواچیلیک ساحهلریده ایران بیلن همکارلیکلریگه دوام اېتدیریشینی تاکیدلهگن.
عین حالده ایران اېلچیسی، افغانستاننینگ اېکینچیلیک و چارواچیلیک ساحهلریده اېنگ مناسب بیر یېر دېب، ایراننینگ اېکینچیلیک وزیرلیگی و خصوصی سکتورلری افغانستانده اېکینچیلیک، چارواچیلیک و نساجی فابریکهلر قوریلیشی ساحهلریده سرمایه آشیریش گه تیار اېکنینی معلوم قیلدی.
دېمک، بوندن آلدین ایران اېکینچیلیک وزیری باشچیلیگیده و بو اولکه خصوصی سکتورلری نمایندهلری و دولت رسمیلری حضوریده بویوک بیر هیأت کابلگه سفر قیلیب، اېکینچیلیک، چارواچیلیک و سووغاریش وزیرلیگی رسمیلری بیلن اوچره شیب سۉزلشکن اېدی.
