بیرلیک یۉلی سیاسی حرکتی، اۉزبېک دین عالملریدن علی احمد جلالی، فاریاب ولایتیده طالبان استخبارات ادارهسی خادملری تامانیدن حبسگه آلینیب، قماقده سقلنیب کېلهیاتگنیدن تنقید قیلدی.
اوشبو حرکت، اۉزبېک تیوی بیلن شریک قیلگن بیاناتیده، بو حرکت طالبان حاکمیتیده هیچ قندهی خوفسیزلیک یۉقلیگینی و بو اېسه طالبان بیلن خلق اراده و طلبلری آرهسیدهگی مصافهنی ینهده چوقورلشتیریشینی معلوم قیلگن.
بیاناتده، جناب جلالی تېزلیک بیلن آزاد اېتیلیشی طلب قیلینگن.
ایتیش کېرهک که فاریاب ولایتیدن بۉلگن بو دین عالمی، اۉتگن هفته چهارشنبه کونی طالبان تامانیدن حبسگه آلینگن و حاضرگچه تقدیری بیللی اېمس.
طالبان حاضرگچه، بو خصوصده هیچ قندی ایضاح بېرمهگن.
