بیرلشگن ملتلر تشکیلاتی باش مجمعسینینگ ۸۱ – دور ییللیک ییغیلیشی، بوگون آقشمدن باشلنیب، او یېرده، امریکا قوشمه ایالتلری جمهور باشلیغی دونالد ترمپ، تورکیه جمهور باشلیغی رجب طیب اردوغان و شونگه اوخشش بیر قنچه دولتلر رهبرلری نطق سۉزلهدیلر و بو نطقلر دوام اېتماقده.
حاضرگچه بۉلینگن صحبتلرده، یقین شرق احوالی، غزه وضعیتی، ایران اوروشی، اوکراین و روسیه اوروشی و شونگه اوخشش موضوعلرگه اعتبار قرهتیلدی.
امریکا جمهور باشلیغی اۉز نطقلریده، ایران بیلن کېلیشووگه ایریشمهگن تقدیرده بو مملکت حکومتینی یۉق اېتیشی ممکنلیگیدن آگاهلنتیردی.
شونینگدېک، تورکیه جمهور باشلیغی رجب طیب اردوغان هم اۉز نطقلریده، غزه و شمالی قبرس تورک جمهوریتی کبی حدودلر احوالی و اولر اهالیسیگه نسبتن باسیملردن تنقید قیلدی.
اردوغان، اۉز صحبتلریده سوریه وضعیتی یخشیلنیب بارهیاتگنینی اېسلب، هرمز بۉغازیده کېمهلر حرکتیگه توسیقلیک یرهتیلمسلیگی و اوکراین اوروشی تېزلیک بیلن یکونلنیشی امید بیلدیردی.
او شونینگدېک، بیرلشگن ملتلر تشکیلاتی اۉز وظیفهلرینی یخشی بجرمهی تورگنیدن هم تنقید قیلدی.
