تورکمنستان ده مستقل دولتلر هم‌دستلیگی ییغینی دایره‌سیده، ایران جمهور باشلیغی مسعود پزشکیان، آذربایجان جمهور باشلیغی الهام علی‌اف بیلن اۉچره‌شیب و صحبت قیلگن.
ایران‌نینگ ایریم ېیتکیرمه‌لری اۉز منبعلریگه تیه‌نیب خبر بېریشیچه، اوشبو اۉچره‌شووده ایران و آذربایجان آره‌سیده قۉشمه همکارلیکلر و ایکّی تامانلمه مناسبتلر وضعیتی تیکشیریلگن.
خبرلر اساسیده، ایکّی تامان ایران و آذربایجاننینگ یخشی قوشنی‌چیلیک علاقه‌لری‌گه تاکید‌لب، ایکّی تامانلمه مناسبتلر مستحکم‌لنیشی اوچون بار امکانیتلردن فایده‌لنیش اهمیتی‌گه اورغوله‌گنلر.
شونینگدېک مذکور اۉچره‌شووده ایکّی مملکت جمهور باشلیقلری قۉشمه لایحه‌لر و کیلیشوولرگه اشاره قیلیش بیلن، کیلیشوولر عمل‌گه آشیریلیش جریانی تیزلنیشی ضرورلیگی، لایحه‌لر یکونلنیشی و اۉزارا همکارلیکلر کوچه‌یشی‌گه تاکید قیلگنلر.
ایتیلیشچه، اوشبو اوچره‌شووده ایران و آذربایجاننینگ اقتصاد، سودا، ترانزیت و منطقه‌ای ساحه‌لر کبی اۉزارا منفتلی برچه یونه‌لیشلرده ایکّی تامانلمه همکارلیک‌نینگ کینگه‌یتیریش و مستحکم‌لش‌گه تیارلیگی بیلدیریلگن.
