اۉزبېکستان مدنی میراثلر هیات، تخار ولایتیگه سفر قیلیب، بو ولایتده‌گی بویوک شاعر و صوفی حضرت شاه مشرب بابانینگ تاریخی آبده‌سینی قیته قوریشگه وعده بېرگن.
طالبان اخبارات و مدنیتی وزیرلیگی‌نینگ اعلام قیلیشیچه، اۉزبېکستان‌نینگ مدنی میراثلر آژانسی‌نینگ اۉرین‌باسری عزیزجان عارف‌جانوف باشچیلیگیده بۉلگن بو هیاتی، مشرب بابا تاریخی آبده‌سینی یقیندن کۉریب چیققنلر.
دیمک اۉزبېکستانلیک هیات تخار ولایتی اشکمش اولسواللیگیده‌گی شاه مشرب بابا تاریخی آبده‌سینی کۉزدن کېچیرگچ، اوشبو تاریخی آبده بېلگیلنگن معیارلر اساسیده قَیته قوریلیشی و ترمیملنیشینی وعده قیلدی.
بیاناتده عزیزجان عارفجانوفگه اساسلنیب ایتیلیشیچه، اوشبو مجموعه‌نی قَیته قوریش لایحه‌سیده قربانلیک جایی، عامه‌وی کتبخانه، مسجد، طهارتخانه، یشیل حدود، اوتوررگاه و باشقه ضرور آست-قورمه‌لر نظرده توتیلگن.
ایتیش کېره‌ک که اۉزبېکستانلیک بو هیات اندخوی و سرپلگه هم سفر قیلیب، تاریخی آبده‌لر سقلنیشیگه یاردم بېریشینی معلوم قیلگن اېدی.
