فاریاب ولایتیده اۉغیرلیک واقعه‌لری کۉپه‌ییب باره‌یاتگنیدن خواطرلر بیلدیریله‌یاتگن بیر وقتده طالبان بو ولایتده تۉرت کیشی حبسگه آلینگنیدن خبر بېردی.
طالبانگه کۉره، مذکور شخص‌لر قیصار و چهلگزی اولسواللیکلری همده میمنه شهری‌نینگ ایکّینچی خوفسیزلیک حوزه‌سیگه تېگیشلی حدودلرده، اۉغیرلیکده عیب‌لنیب حبسگه آلینگن.
فاریاب ولایتیده حبسگه آلینگن بو شخص‌لر، اهالی اوی‌لریگه توشیش، سولر و موترسایکل کبی نرسه‌لرنی اۉغیرلشده عیب‌لنگن.
بو شوندی بیرحالده دیر که اخیرگی وقتلرده، فاریاب ولایتیده اۉغیرلیک واقعه‌لری کۉپه‌یگنی خبر قیلینماقده.
اوشبو واقعه‌لرنینگ کۉپلب حالتلریده، طالبان‌نینگ پرواسیزلیگی هم تنقید اېتیله‌دی.
