طالبان باش‌وزیری اقتصادی اۉرین‌باسری عبدالغنی برادر‌نینگ ایتیشیچه، گل‌خانه‌ای گازلر ترقه‌‌لیشی‌ده افغانستان‌نینگ سیزیلرلی حصه‌سی بۉلمسه‌ده، اقلیم اۉزگریشلری‌نینگ آغیر عاقبتلرینی باشدن کیچیرماقده.
برادر، طبیعی حادثه‌لر خوف-خطرلرینی آزه‌یتیریش خلق‌ارا کونی مناسبتی بیلن اۉتکزیلگن مراسم‌ده شونده‌ی دېدی: «بیز معمانینگ یۉزگه کیلیشی‌گه حصه قۉشمه‌گن بۉلسه‌کده، اونینگ آغیر عاقبتلریگه چیده‌شیمیز و باشقه‌لر سبب بۉلگن ویرانلیکلر اوچون تاوان توله‌شیمیز، دنیا اقلیم عدالتی تمایللری‌گه قرشی دیر.»
شونینگدېک او مذکور مراسم‌ده، دنیا هم‌جمعیت، بیرلشگن ملتلر تشکیلاتی و اقلیم بیلن تیگیشلی برچه نهاد‌دن، اقلیم اۉزگریشلری‌گه قرشی کۉره‌ش‌نینگ هیچ قنده‌ی سیاسی ملاحظه‌لر بیلن باغلنمسلیگی کېره‌کلیگی‌نی سۉره‌دی.
طالبان باش‌وزیری اقتصادی اۉرین‌باسری‌نینگ اورغولشیچه، طبیعی آفتلر و اقلیم اۉزگریشلری عاقبتی‌ده یېتکزیلگن ضررلرنی کمه‌یتیریش اوچون افغانستان خلق‌ارا مالی و تخنیک یاردم‌دن عدالتلی فایده‌لنیش امکانیتی‌گه ایگه بولیشی کېره‌ک، بو اېسه افغانستان حقی دیر.
غنی برادر‌نینگ کوپه‌یتیریشیچه، زلزله‌لر، سوو تاشقینلر و قوروق‌چیلیکلر اۉتگن ییللرده افغانستان اهالی‌سی‌گه کینگ کولمی جانی و مالی ضررلرنی یېتکزگن. شونینگدېک او طبیعی آفتلر عاقبتلرینی کمه‌یتیریش اوچون زمانه‌وی هواشناسلیک اوسکونه‌لر و آفتلر یۉز بیریشی‌دن آلدین آگاه‌لنتیرووچی تیزیملرنی تامین‌لش توغریسیده خلق‌ارا همکارلیککه چقیرگن.
ایتیش کېره‌ک که، افغانستان سۉنگی ییللرده طبیعی آفتلر جمله‌دن سووتاشقینلر، قوروق‌چیلیک و زلزله خوفلری بیلن روپه‌ره بۉلیب، اوشبو آفتلر جانی تلفات یانیده اویلر، ایکینچیلیک ییرلر و مملکت آست‌قورمه‌لریگه کوپینچه زیان یېتیشتیرگن.
