تورکیه تشقی ایشلر وزیری هاکان فیدان، اېرته (۲۳-میزان، پنج‌شنبه)، آذربایجان پایتختی باکوده بۉلیب اوته‌دیگن آسیاده همکارلیک و ایشانچ چاره‌لری بۉییچه کنفرانسی‌نینگ «CICA» دولت و حکومت رهبرلری کینگه‌شی یېتینچی ییغینی‌گه شرکت قیله‌دی.
آناتولی آژانسی بوگون اۉز وب‌سایتی‌ده، هاکان فیدان‌نینگ بو ییغین‌گه تورکیه جمهور باشلیغی رجب طیب اردوغان نامیدن شرکت قیلیشی‌‌دن خبر بېرگن.
تورکیه تشقی ایشلر وزیری‌نینگ بو ییغین‌ده نطق سۉزلشی همده اشتراکچی مملکتلر رسمیلری بیلن ایکّی تامانلمه اۉچره‌شوولر اۉتکزیشی ریجه‌لشتیریلگن. اونینگ دنیا انقراضلری‌گه قرشی عمومی ییچیملر ایشلب چیقیش و نیچه تامانلمه دیپلماسی‌نی مستحکم‌لش مهم‌لیگی‌نینگ تاکید قیلیشی کوتیلماقده.
ترقه‌تیلگن گزارش‌گه کۉره، هاکان فیدان شونینگدېک اسرائیل‌نینگ غزه گه قرشی هجوملری دوامی، فلسطین‌لیکلرگه انسان‌سیورلیک یاردم‌لر یوباریلیشی‌گه توسیق‌لیک قیلیشی همده عدالتلی و برقرار تینچ‌لیککه ایریشیش اوچون خلق‌ارا هم‌جمعیت آرقه‌لی اسرائیل‌گه باسیم کوچه‌یتیریلیشی ضرورلیگی‌نی تاکید قیلیشی ممکن.
