افغانستانده بیرلشگن ملتلر تشکیلاتی نماینده‌لیگی یا ده «یوناما» ترقه‌تگن ینگی حساباتیده، طالبان امر بالمعروف و نهی عن‌المنکر محتسبلری آرقه‌لی ۴۴۳ کیشی قۉلگه آلینگنینی معلوم قیلگن.
اوشبو حسابات، ۱-جولای‌دن ۳۰-سپتمبرگچه بۉلگن مدتنی اۉز ایچیگه آلیب، اوشبو مدت ایچیده‌گی وضعینی رۉیخطگه آلگن.
شونینگدېک حساباتیده، بو مدت‌ده یوناما ۹۷ حالت‌ده طالبان اعضالری خاتین-قیزلر بیلن، یامان یانده‌شیشی هم قید قیلگن.
یوناماگه کۉره، بو موردلردن کۉپینچه‌سی طالبان بیلگی‌لگن حجاب قاعده‌لرینی بۉزیش، سقال‌نی قیسقرتیریش یا-ده «غربی» ساچ مدی‌گه اېگه بۉلیش، جماعت نمازی‌گه بارمسلیک و موسیقه قوییش یا-ده تینگلش بیلن باغلیق بۉلگن.
طالبان امر بالمعروف و نهی عن‌المنکر قانونی‌‌نینگ ۲۴-ماده‌سی، ۱-قسمی، ۶-بندیده، قاعده بۉزرلیک صادر ایتگن کیشی اوچ کونگچه قماققه آلینیشی ممکن‌لیگی بیلگیلنگن حالده، یوناما انسان حقلری بولیمی آرقه‌لی اوشبو قانون‌نی بوزگنلیککه عیبلنگن کیشیلرگه بیلگیلنگن اوچ کون‌دن هم کوپراق مدت‌گچه قماق جزاسی بیریلگن اَیریم حالتلری حجت‌لشتیرگن.
