بیرلشگن ملتلر تشکیلاتی باش کاتبی‌نینگ افغانستانده‌گی وکیلی و یوناما باشلیغی اوله‌راق یقینده تعیین اېتیلگن بنگله‌دیش‌لیک دیپلومات عیال، رباب فاطمه کابل یېتیب کېلگن.
بیرلشگن ملتلر تشکیلاتی بو خصوصده نشر قیلگن بیاناتیده، فاطمه اۉز ایشینی رسمی طرزده باشله‌گنینی معلوم قیلگن اېدی.
دیمک بوندن بیر نیچه وقت آلدین، بیرلشگن ملتلر تشکیلاتی بنگله‌دیش‌لیک بو دیپلوماتنی اوشبو لوازمگه تعیین قیلگن اېدی.
فاطمه، قرغیزستانلیک دیپلومات رزا اوتنبایوا اۉرنیده یوناما باشلیغی اوله‌راق فعالیت قیله‌دی.
بیرلشگن ملتلر تشکیلاتی‌نینگ افغانستانده‌گی ینگی وکیلی شوندی بیرحالده ایشینی باشله‌ماقده دیر که طالبان حاکمیتیده بۉلگن افغانستان حاضر جدّی سیاسی تقدیرسیزلیکلر، انسان حقلری آغیر احوالی و اچینرلی اقتصادی وضعیتلر بیلن دوچ بۉلیب کېلماقده.
