بوگونلر برچه‌میز خلقی‌میزنینگ تیلیگه بۉلگن سېوگی و تویغوسینی گواهی بۉلیب کېله‌یپمیز. دنیانینگ هر بورچه‌گیدن بۉلیشیدن قطعی-نظردن اۉزبېک فعاللر، یاشلر و ضیالی‌لر تیل بیره‌مینی طنطنه‌لی اۉتکزیشده اینتیلیب کېله‌یاتگن.
شونده‌ی کېنگ کولمده تیل بیره‌می نشانلنیشی، فخرلنووچی و قدرگه سزاوار حادثه دیر که بو خلقی‌میز اۉزی‌نینگ ملی قدریتلریگه بۉلگن تویغوسیدن کېلیب چیقه‌دی.
افغانستان‌نینگ اۉزبېک خلقی تیللرینی شونده‌ی قدرلب و الوغلب کېلماقده اېکن بو کینگ احتفاللر و ایلیق کوتیب آلیش‌نینگ نتیجه‌سی فقط‌گینه مدنی بایلیکلرنی کۉرسه‌تیش بیلن‌گینه چیلنیب قالمه‌ی بلکه خلق تاثیرینی هم نمایان اېتماقده.
قیشلاقلر، تومنلر، شهرلر، ولایتلردن توتیب، تورلی مملکتلر و قاره‌لرده اۉزبېک تیلی بیره‌می اۉتکزیلیشی بو اۉزبېکلرنینگ بیرلیگی و اولرنینگ کینگ تاثیرینی ینه بیربار اثباتلب بېرماقده.
دېیرلی، اینگ کمی بیر هفته‌دن بیری اۉزبېک تیلی‌دن نشانلش احتفالی باشلنگن و بو جریان قیزغین و ایلیق دوام اېتماقده دیر.
شونده‌ی اېکن ۲۹نچی میزان، حاضرده اۉزبېکلر بیرلیگی و تاثیرینی عکس اېتتیرگن مهم سنه‌گه اَیلنگن.
