بوگون میزان آیی‌نینگ ۲۹نچیسی و اکتوبر آیی‌نینگ ۲۱نچیسی اۉزبېک تیلی ملی کونی بیلن تینگ دیر.
اوشبو کون قویاش ۱۳۹۸نچی ییلدن بیری افغانستان تقویمیده، اۉزبېک تیلی ملی کونی اوله‌راق کېریتیلیب، شوندن سونگ نشانلنیب کېلماقده.
اۉزبېک تیلی ملی کونی، سابق حکومت دوریده بیر قنچه اۉزبېک/تورک مدنی-اجتماعی اویوشمه‌لری تامانیدن تکلیف اېتیلگنیدن سونگ قبول قیلینگن اېدی.
اوشبو سنه‌دن بیری، هر ییلی بو کون خلقی‌میز تامانیدن قیزیغین و ایلیق کوتیب آلینیب کېلینماقده.
اۉزبېک خلقی افغانستان‌نینگ ایچکریسی و تشقریسیده شکوهلی و طنطنه‌لی احتفال و تدبیرلر یۉلگه قۉییب، علمی-ادبی کنفرانسلر اۉتکزیب، اوشبو کوننی نشانله‌یدیلر.
بو ییل هم اۉزبېک تیلی ملی کونی یېتیب کیلیشی بیلن بیرگه، حاضرگچه اۉنلب احتفال و ییغین اۉتکزیلگن و بو احتفاللر همان دوام اېتماقده دیر.
تاکیدلش کېره‌ک که اۉزبېکستانده هم ۲۱نچی اکتوبر اۉزبېک تیلی، دولت تیلی مقامی آلگنی کونی اوله‌راق نشانلنیب کېلینماقده.
