طالبان اېکینچیلیک، سووغاریش و چاروه‌چیلیک وزیرلیگی هیاتی، اۉزبېکستانگه قیلگن سفری‌نینگ اېکینچی کونیده، بو مملکتده‌گی اېکینچیلیک، چاروه‌چیلیک، صناعت و محصولات ایشلب چیقرووچی مرکزلریدن قطارینی کۉریب چققن.
اوشبو هیات مذکور کۉریب چیقیش جریانیده اۉزبېکستان‌نینگ ایشلب-چیقیش صلاحیتلری، تخنیک امکانیتلری و شونینگدېک محصولاتلرنی پروسس و پاکتلش‌نینگ تورلی باسقیچلری بیلن تنیشگن.
مذکور تشریفلر دوامیده زمانه‌وی ایلشب چیقیریش اصوللری، سوو منبع‌لری باشقریلیشی، تجارتی باغدارچیلیکنی رواجلنتیریش، ساغلیقنی سقلش معیارلری و پرنده‌چیلیک امکانیتلری تیکشیریلگن.
ایتیلیشچه، مذکور کۉریب چیقیشلردن مقصد زمانه‌وی تجربه و تکنولوژیلر بیلن تنیشیش، ایشلب چیقریش و تخنیک امکانیتلرینی اۉرگه‌نیش و شونینگدېک اېکینچیلیک، چاروه‌چیلیک و تېگیشلی صناعت بۉلیملریده بیلیم المشتیریش همده افغانستان و اۉزبېکستان اۉرته‌سیده‌گی اۉزارا همکارلیکنی کېنگه‌یتیریش امکانیتلرینی انیقلشدن عبارت اېکنی تاکیدلنگن.
تاکیدلش لازم که اۉزبېکستان حاضرگچه، طالبان حکومتینی رسمیتگه تَن آلمه‌گن بۉلسه هم بیراق بو گروه حاکمیتیده‌گی افغانستان بیلن اقتصادی علاقه‌لرینی کوچه‌یتیریشگه اورینماقده.
