تورکیه نینگ ازمیر شهری «علی آغا» منطقه‌سیده جایلشگن تیمیر و فولاد ایشلب چیقریش فابریکه‌سیده یوز بېرگن پارتلش عاقبتیده، ۱۷ کیشی اۉلیب و ۱۲ کیشی یره‌لنگن.
تورکیه یېتکرمه‌لری نینگ خبرلری اساسیده، حاضرگچه اوشبو فابریکه‌ده قیدیریش و قۉتقریش عملیاتی دوامی بار.
ترقه‌تیلگن خبرلرگه کۉره، مذکور فابریکه‌ده پارتلشدن کېین یانغین هم یوز بېرگن؛ بیراق یاردم بیرووچی کوچلر همکارلیگی بیلن تیزلیکده اوچیریلگن.
شونینگدېک تورکیه‌نینگ شاشلینچ وضعیت و حادثه‌لرنی باشقریش اداره‌سی کوچلری، اوت اوچیرووچیلر و پولیس اوشبو منطقه‌ده بۉلیب و اولرگه علاوه، یقین حدودلرده‌گی یاردم بیرووچی تیملر هم بو عملیاتده همکارلیک قیلماقده.
ایتیلیشچه، یره‌لنگنلر واقعه محلیده ساغلیقنی سقلش خادملری آرقه‌لی دستلبکی یاردملرنی قۉلگه کېلتیریشدن سۉنگ، کسلخانه‌لرگه یېتکزیلیب و دوالنیش آستیده قرار تاپگن و شونینگدېک اولردن بیر ته‌سی‌نینگ احوالی آغیر دېب گزارش بېریلگن.
