سرپل شهری «توغنی» قیشلاغیده سابق حربیلردن بیری‌نینگ جسدی قودوق اېچیدن تاپیلگن.
ایریم یېتکرمه‌لر تامانیدن ترقه‌تیلگن خبرلرگه کۉره، سوزمه قلعه تومنی یشاوچیسی بۉلمیش عبدالبشیر محمدی اسملی اوشبو کیشی‌نینگ جسدی ۲۵ کون یۉقالگندن سۉنگ تاپیگن.
خبرلر اساسیده، عبدالبشیر آرقه تاماندن اۉققه توتیلیب و جسدی قودوققه تشلنگن.
ایتیلیشچه، عبدالبشیر محمدی طالبان قدرت گه اېریشگنیدن کېین سرپل مرکزیده هیداوچیلیک قیله‌ر اېکن و شونینگدېک اونینگ اۉلدیریلگنی سببی حاضرگچه بیللی اېمس.
طالبان قیته قدرت گه اېریشگنی و بو گروه آرقه‌لی عمومی کېچیریم اعلام بۉلگنی بیلن ینه هم سابق حکومت حربیلری و خوفسیزلیک کوچلری اعضالریدن قطاری‌نینگ اۉلدیریلگنی، قۉلگه آلینگنی و یوقالگنی تۉغریسیده کۉپینچه خبرلر ترقه‌تیلگن.
