طالبان نظارتی آستیده‌گی اېکینچیلیک، سووغاریش و چاروه‌چیلیک وزیرلیگی‌نینگ ایتیشیچه، اوشبو وزیرلیک اېکینچیلیک و چاروه‌چیلیک اۉرین‌باسری صدراعظم عثمانی، اۉزبېکستانگه قیلگن سفریده بو مملکت اندیجان حاکمی بیلن اوچره‌شگن.
بو وزیرلیک‌نینگ ترقه‌تگن بیاناتی اساسیده، اوشبو اوچره‌شووده اېکینچیلیک، سووغاریش و چاروه‌چیلیک بۉلیملریده ایکّی تامانلمه همکارلیکلر تۉغریسیده صحبت بۉلگن.
بیاناتگه کۉره، عثمانی اېکینچیلیک و چاروه‌چیلیک ساحه‌لریده ایکّی مملکت اۉرته‌سیده تخنیکی، سوداگرلیک و سرمایه یاتقیزیش بۉییچه همکارلیکلر مستحکملنیشیگه اورغو بېرگن.
شونده‌ی بیرحالده، اندیجان حاکمی ایکّی تُن اصلاح بۉلگن پخته، بلیق یېتیشتیریش رواجلنیشی اوچون بیر تُن بلیق و اونلب جریب ییرگه تامچه‌لیک سووغاریش جهازلرینی افغانستان اختیاریگه تاپشیریش توغریسیده سۉز بېرگن.
شونینگدېک ایکّی تامان افغانستان‌نینگ اېکینچیلیک متخصصلری تعلیمی، قۉشمه تخنیکی کمیته‌لر آچیلیشی و اېکینچیلیک بۉلیمیده سوداگرلیک همکارلیکلر مستحکملنیشیگه تاکید قیلگنلر.
